Елубай Өмірзақов (1899-1974)
Қостанай облысы, Таран ауданының бұрынғы жиырма бірінші аулында туған. Ол 1923 жылы Орынбор қаласында ашылған драма үйірмесіне қатынасады, ал 1926 жылы ашылған Қазақ драма театрына арнайы шақырылып алынады. Өзінің қырық жылдық сахналық қызметінде көптеген рөлдерде ойнаған: Абыз, Кеңгірбай ("Еңлік - Кебек"), Зарлық, Диуана ("Арқалық батыр"), Жарас("Айман - Шолпан"), Осип ("Ревизор"), Жалмұқан ("Ақан сері - Ақтоқты"), Дәркембай ("Абай"), Ленин ("Мылтықты адам"), "Қазақфильмнің" ең бірінші (1938 ж.) киносы "Амангелдіде" Амангелді рөлін ойнаған. Қазақ КСР-інің Халық артисі Елубай Өмірзақов - Мемлекеттік сыйлықтың иегері, Ленин, Еңбек Қызыл Ту, ІІ дәрежелі Ұлы Отан соғысы, "Құрмет белгісі" ордендерімен, медальдармен марапатталған.
|